| |
Alv.1-5 | |
| |
| |
| v.Alv.1 | |
| Bekki breiða, | "Becki breiþa, |
| nú skal brúðr með mér | nv scal brvþr meþ mer |
| heim í sinni snúaz! | heim i sinni snvaz; |
| Hratað um mægi | hrataþ vm mégi |
| mun hverjum þikkja, | mvn hveriom þiccia, |
| heima skalat hvíld nema! 🔊✎ | heima scalat hvíld nema.“ |
| |
| |
| |
| v.Alv.2 | |
| Hvað er það fira? | „Hvat er þat fira? |
| Hví ertu svá fölr um nasar? | hví ertv sva fꜹlr vm nasar? |
| Vartu í nótt með ná? | vartv i nótt meþ ná? |
| Þursa líki | þvrsa líci |
| þikki mér á þér vera; | þicci mer a þer vera; |
| ertattu til brúðar borinn. 🔊✎ | ertattv til brvþar borinn.“ |
| |
| |
| |
| v.Alv.3 | |
| Alvíss ek heiti, | „Alvíss ec heiti, |
| bý ek fyr jörð neðan, | by ec fyr iorþ neþan, |
| á ek undir steini stað. | a ec vndir steini staþ; |
| Vagna vers | vagna vers |
| ek em á vit kominn; | ec em a vit kominn; |
| bregði engi föstu heiti fira! 🔊✎ | bregði engi fꜹsto heiti fira!“ |
| |
| |
| |
| v.Alv.4 | |
| Ek mun bregða | „Ec mvn bregda, |
| því að ek brúðar á | þviat ec brvþar a |
| flest um ráð sem faðir; | flest vm ráþ sem faþir; |
| varka ek heima | varca ec heima, |
| þá er þér heitið var | þa er þer heitiþ var, |
| að sá einn er gjöf er með goðum. 🔊✎ | at sa einn er † giꜹfer meþ godom.“ |
| |
| |
| |
| v.Alv.5 | |
| Hvað er það rekka | „Hvat er þat recca, |
| er í ráðum telz | er i raþom telz |
| fljóðs ins fagrglóa? | flioþs ens fagrgloa? |
| Fjarrafleina | fiarrafleina |
| þik munu fáir kunna. | þic mvno fair kvnna; |
| Hverr hefir þik baugum borið? 🔊✎ | hverr hefir þic bꜹgom borit?“ |
| |
| |
| |