Alv.6-10 | |
| v.Alv.6 | |
| Ving-Þórr ek heiti, | „Vingþórr ec hęiti, |
| ek hefi víða ratað, | ec hefi viþa rataþ, |
| sonr em ek Síðgrana; | sonr em ec Siþgrana; |
| að ósátt minni | at osatt minni scalattv |
| skaltu það ið unga man hafa | þat iþ vnga man hafa |
| ok það gjaforð geta. 🔊✎ | oc þat giaforþ geta.“ |
| v.Alv.7 | |
| Sáttir þínar | „Sattir þinar |
| er ek vil snemma hafa | ęr ec vil snemma hafa |
| ok það gjaforð geta; | oc þat giaforþ geta; |
| eiga vilja, | eiga vilia heldr |
| heldr en án vera, | enn án vera |
| það ið mjallhvíta man. 🔊✎ | þat iþ miallhvita man.“ |
| v.Alv.8 | |
| Meyjar ástum | „Meyiar astom |
| muna þér verða, | mvna þer verþa, |
| vísi gestr, of varið | visi gestr! of variþ, |
| ef þú ór heimi kannt | ef þv or heimi kant |
| hverjum að segja | hveriom at segia |
| allt það er ek vil vita. 🔊✎ | alt þat er ec vil vita. |
| v.Alv.9 | |
| Segðu mér það, Alvíss, | Segðv mer þat, Alvíss! |
| öll of rök fira | oll of rꜹc fira |
| vörumk, dvergr, að vitir, | voromc, dvergr! at vitir: |
| hvé sú jörð heitir | hve sv iorþ heitir, |
| er liggr fyr alda sonum | er liggr fyr alda sonom, |
| heimi hverjum í. 🔊✎ | heimi hveriom i?“ |
| v.Alv.10 | |
| Jörð heitir með mönnum | „Iorþ heitir meþ monnom, |
| en með álfum fold, | en meþ asom fold, |
| kalla vega vanir, | calla vega vanir, |
| ígræn jötnar, | igrǫn iotnar, |
| álfar gróandi, | alfar groandi, |
| kalla aur uppregin. 🔊✎ | kalla ꜹ́r vpregin.“ |