← Himinn heitir með mönnum en hlýrnir með goðum, kalla vindófni vanir, uppheim jötnar, álfar fagraræfr, dvergar drjúpan sal. 🔊✎
← Máni heitir með mönnum en mýlinn með goðum, kalla hverfanda hvél helju í, skyndi jötnar en skin dvergar, kalla álfar ártala. 🔊✎
← Ský heita með mönnum en skúrván með goðum, kalla vindflot vanir, úrván jötnar, álfar veðrmegin, kalla í helju hjálm huliðs. 🔊✎
← Vindr heitir með mönnum en váfuðr með goðum, kalla gneggjuð, ginnregin, æpi jötnar, álfar dynfara, kalla í helju hviðuð. 🔊✎
← Logn heitir með mönnum en lægi með goðum, kalla vindsflot vanir, ofhlý jötnar, álfar dagsefa, kalla dvergar dags veru. 🔊✎
← Sær heitir með mönnum en sílægja með goðum, kalla vág vanir, álheim jötnar, álfar lagastaf, kalla dvergar djúpan mar. 🔊✎
← Eldr heitir með mönnum en með ásum funi, kalla vág, vanir, frekan jötnar en forbrenni dvergar, kalla í helju hröðuð. 🔊✎
← Nótt heitir með mönnum en njól með goðum, kalla grímu ginnregin, óljós jötnar, álfar svefngaman, kalla dvergar draumnjörun. 🔊✎
← Bygg heitir með mönnum en barr með goðum, kalla vöxt vanir, æti jötnar, álfar lagastaf, kalla í helju hnipinn. 🔊✎
← Öl heitir með mönnum en með ásum bjórr, kalla veig vanir, hreinalög jötnar en í helju mjöð, kalla sumbl Suttungs synir. 🔊✎