
Alv.26-30


v.Alv.26
Eldr heitir með mönnum	„Eldr heitir meþ monnom,
en með ásum funi,	enn meþ asom fvni,
kalla vág, vanir,	kalla vag vanir,
frekan jötnar	frekan iotnar,
en forbrenni dvergar,	en forbrenni dvergar,
kalla í helju hröðuð. 🔊✎	kalla i helio hrꜹþvþ.“



v.Alv.27
Seg ðu mér það, Alvíss,	„Segðv mer þat, Alvíss!
öll of rök fira	oll of rꜹc fira
vörumk, dvergr, að vitir,	voromc, dvergr! at vitir:
hvé viðr heitir	hve sa viþr heitir,
er vex fyr alda sonum	er vex fyr alda sonom,
heimi hverjum í. 🔊✎	heimi hveriom i?“



v.Alv.28
Viðr heitir með mönnum	„Viþr heitir meþ monnom,
en vallar far með goðum,	enn vallar fax meþ goðom,
kalla hlíðþang halir,	kalla hliþþang halir,
eldi jötnar,	elldi iotnar,
álfar fagrlima,	alfar fagrlima,
kalla vönd vanir. 🔊✎	kalla vond vanir.“



v.Alv.29
Seg ðu mér það, Alvíss,	„Segðv mer þat, Alvíss!
öll of rök fira	oll of rꜹc fira
vörumk, dvergr, að vitir,	voromc, dvergr! at vitir:
hvé sú nótt heitir,	hve sv nótt heitir,
in Nörvi kennda,	en Nꜹrvi kenda,
heimi hverjum í. 🔊✎	heimi hveriom i?“



v.Alv.30
Nótt heitir með mönnum	„Nott heitir meþ monnom,
en njól með goðum,	en niól meþ goðom,
kalla grímu ginnregin,	kalla grimo ginnregin,
óljós jötnar,	oliós iotnar,
álfar svefngaman,	alfar svefngaman,
kalla dvergar draumnjörun. 🔊✎	kalla dvergar drꜹmniorvn.“