
Alv.31-35


v.Alv.31
Seg ðu mér það, Alvíss,	„Segðv mer þat, Alvíss!
öll of rök fira	oll of rꜹc fira
vörumk, dvergr, að vitir,	voromc, dvergr! at vitir:
hvé það sáð heitir	hve þat sáþ heitir,
er sá alda synir	er sá alda synir,
heimi hverjum í. 🔊✎	heimi hveriom i?“



v.Alv.32
Bygg heitir með mönnum	„Bygg heitir meþ monnom,
en barr með goðum,	enn barr meþ goðom,
kalla vöxt vanir,	kalla vaxt vanir,
æti jötnar,	ęti iꜹtnar,
álfar lagastaf,	alfar lagastaf,
kalla í helju hnipinn. 🔊✎	kalla i helio hnipinn.“



v.Alv.33
Seg ðu mér það, Alvíss,	„Segðv mer þat, Alvíss!
öll of rök fira	oll of rꜹc fira
vörumk, dvergr, að vitir,	voromc, dvergr! at vitir:
hvé það öl heitir	hve þat ꜹl heitir,
er drekka alda synir	er drecca alda synir,
heimi hverjum í. 🔊✎	heimi hveriom i?“



v.Alv.34
Öl heitir með mönnum	„Ǫl heitir meþ monnom,
en með ásum bjórr,	enn meþ asom biórr,
kalla veig vanir,	kalla veig vanir,
hreinalög jötnar	hreina lꜹg iꜹtnar,
en í helju mjöð,	enn i helio mioþ,
kalla sumbl Suttungs synir. 🔊✎	kalla svmbl Svttvngs synir.“



v.Alv.35
Í einu brjósti	„I eino briosti
ek sá k aldregi	ec sác aldregi
fleiri forna stafi.	fleiri forna stafi;
Miklum tálum	miclom talom
ek kveð tældan þik:	ec qveð teldan þic:
Uppi ert u, dvergr, um dagaðr,	vppi ertv, dvergr! vm dagaþr,
nú skínn sól í sali. 🔊✎	nv scinn sól i sali.“