| |
Alv.16-20 | |
| |
| |
| v.Alv.16 | |
| Sól heitir með mönnum | „Sol heitir meþ monnom, |
| en sunna með goðum, | enn svnna meþ goþom, |
| kalla dvergar Dvalins leika, | kalla dvergar Dvalins lęica, |
| eygló jötnar, | eyglo iotnar, |
| álfar fagrahvel, | alfar fagra hvel, |
| alskír ása synir. 🔊✎ | alscír asa synir.“ |
| |
| |
| |
| v.Alv.17 | |
| Segðu mér það, Alvíss, | „Segðv mer þat, Alvíss! |
| öll of rök fira | oll of rꜹc fira |
| vörumk, dvergr, að vitir, | voromc, dvergr! at vitir: |
| hvé þau ský heita | hve þꜹ scy heita, |
| er skúrum blandaz | er scvrom blandaz, |
| heimi hverjum í. 🔊✎ | heimi hveriom i? |
| |
| |
| |
| v.Alv.18 | |
| Ský heita með mönnum | „Scy heitir meþ monnom, |
| en skúrván með goðum, | enn scv́rvan meþ goðom, |
| kalla vindflot vanir, | kalla vindflot vanir, |
| úrván jötnar, | vrván iotnar, |
| álfar veðrmegin, | alfar veþrmegin, |
| kalla í helju hjálm huliðs. 🔊✎ | kalla i helio hialm hvliz.“ |
| |
| |
| |
| v.Alv.19 | |
| Segðu mér það, Alvíss, | „Segðv mer þat, Alvíss! |
| öll of rök fira | oll of rꜹc fira |
| vörumk, dvergr, að vitir, | voromc, dvergr! at vitir: |
| hvé sá vindr heitir | hve sa vindr heitir, |
| er víðast ferr | er viðast ferr, |
| heimi hverjum í. 🔊✎ | heimi hveriom i?“ |
| |
| |
| |
| v.Alv.20 | |
| Vindr heitir með mönnum | „Vindr heitir meþ monnom, |
| en váfuðr með goðum, | enn vávoþr meþ goðom, |
| kalla gneggjuð, ginnregin, | kalla gneggioþ ginnregin, |
| æpi jötnar, | ǫpi iꜹtnar, |
| álfar dynfara, | alfar dynfara, |
| kalla í helju hviðuð. 🔊✎ | kalla i helio hviþvþ.“ |
| |
| |
| |