| |
Vm.8-12 | |
| |
| |
| v.Vm.8 | |
| Gagnráðr ek heiti; | „Gagnraþr ec heiti, |
| nú emk af göngu kominn, | nv emc af gongo kominn |
| þyrstr til þinna sala, | þyrstr til þinna sala, |
| laðar þurfi | laðar þvrfi |
| hefi ek lengi farið | — hefi ec lengi farit — |
| ok þinna andfanga, jötunn. ✎ | oc þinna andfanga, iotvnn!“ |
| |
| |
| |
| v.Vm.9 | |
| Hví þú þá, Gagnráðr, | „Hvi þv þa, Gagnraþr, |
| mæliz af gólfi fyr? | męliz af gólfi fyr? |
| Far þú í sess í sal! | farþv i sess i sal! |
| Þá skal freista | þa scal freista, |
| hvárr fleira viti, | hvarr fleira viti, |
| gestr eða inn gamli þulr. ✎ | gestr eþa inn gamli þvlr.“ |
| |
| |
| |
| v.Vm.10 | |
| Óauðigr maðr, | „Oꜹþigr maþr, |
| er til auðigs kjömr, | er til ꜹþigs kǫmr, |
| mæli þarft eða þegi; | męli þarft eþa þegi; |
| ofrmælgi mikil | ofrmęlgi micil |
| hygg ek að illa geti | hygg ec, at illa geti |
| hveim er við kaldrifjaðan kjömr. ✎ | hveím er viþ kaldrifiadan kǫmr.“ |
| |
| |
| |
| v.Vm.11 | |
| Segðu mér, Gagnráðr, | „Segþv mer, Gagnraþr, |
| allz þú á gólfi vill | allz þv a gólfi vill |
| þíns um freista frama, | þins vm freista frama: |
| hvé sá hestr heitir | hve sa hestr heitir, |
| er hverjan dregr | er hverian dregr |
| dag ok dróttmögu. ✎ | dag of drottmꜹgo?“ |
| |
| |
| |
| v.Vm.12 | |
| Skinfaxi heitir | „Scinfaxi heitir, |
| er inn skíra dregr | er inn scíra dregr |
| dag um dróttmögu; | dag vm drottmꜹgo; |
| hesta beztr | hesta beztr |
| þykkir hann með Reiðgotum, | þyccir hann meþ Hreíðgotom, |
| ey lýsir mön af mari. ✎ | ęy lysir mꜹn af mari.“ |
| |
| |
| |