| |
Vm.34-38 | |
| |
| Óðinn kvað: | Oþinn qvaþ: |
| |
| v.Vm.34 | |
| Segðu það ið átta, | „Segðv þat iþ átta, |
| allz þik fróðan kveða | allz þic froþan qveþa, |
| ok þú, Vafþrúðnir, vitir, | oc þv, Vafþrvðnir, vitir: |
| hvað þú fyrst mant | hvat þv fyrst vm mant |
| eða fremst um veizt; | eþa fremst vm veitzt? |
| þú ert alsviðr, jötunn. ✎ | þv ert alsviþr, iotvnn.“ |
| |
| |
| Vafþrúðnir kvað: | Vafþrvðnir qvaþ: |
| |
| v.Vm.35 | |
| Örófi vetra | „Orófi vetra, |
| áðr væri jörð um sköpuð | aþr vęri iorð vm skꜹpvð, |
| þá var Bergelmir borinn; | þa var Bergelmir borinn: |
| það ek fyrst um man | þat ec fyrst vm man, |
| er sá inn fróði jötunn | er sa inn froþi iotvnn |
| var á lúðr um lagiðr. ✎ | a var lvðr vm lagiðr.“ |
| |
| |
| Óðinn kvað: | Oþinn qvaþ: |
| |
| v.Vm.36 | |
| Segðu það ið níunda, | „Segðv þat iþ níunda, |
| allz þik svinnan kveða | allz þic svinnan qveþa, |
| eða þú, Vafþrúðnir, vitir, | oc þv, Vafþrvðnir, vitir: |
| hvaðan vindr um kjömr | hvadan vindr vm kǫmr, |
| svá að ferr vág yfir; | sva at ferr vág yfir? |
| æ menn hann sjálfan um sjá. ✎ | ę menn hann sialfan vm siá.“ |
| |
| |
| Vafþrúðnir kvað: | Vafþrvðnir qvaþ: |
| |
| v.Vm.37 | |
| Hræsvelgr heitir, | „Hręsvelgr heitir, |
| er sitr á himins enda, | er sitr a himins enda, |
| jötunn í arnar ham; | iotvnn i arnar ham; |
| af hans vængjum | af hans vengiom |
| kveða vind koma | qveþa vind koma |
| alla menn yfir. ✎ | alla menn yfir.“ |
| |
| |
| |
| v.Vm.38 | |
| Segðu það ið tíunda, | „Segðv þat iþ tíunda, |
| allz þú tíva rök | allz þu tiva rꜹc |
| öll, Vafþrúðnir, vitir, | ꜹll, Vafðrvðnir, vitir: |
| hvaðan Njörðr um kom | hvaðan Niorðr vm kom |
| með ása sonum, | † meþ asa sonom? |
| hofum ok hörgum | — hofom oc hꜹrgom |
| hann ræðr hundmörgum | hann ręðr hvnnmorgom — |
| ok varðat hann ásum alinn. ✎ | oc varþaþ hann asom alinn.“ |
| |
| |
| |