Vafþrúðnir

← Ráð þú mér nú, Frigg, allz mik fara tíðir að vitja Vafþrúðnis; forvitni mikla kveð ek mér á fornum stöfum við þann inn alsvinna jötun. ✎

← Heima letja ek mynda Herjaföðr í görðum goða því að engi jötun ek hugða jafnramman sem Vafþrúðni vera. ✎

← Fjölð ek fór, fjölð ek freistaða, fjölð ek reynda regin; hitt vil ek vita hvé Vafþrúðnis salakynni sé. ✎

← Heill þú nú, Vafþrúðnir, nú em ek í höll kominn á þik sjálfan sjá, hitt vil ek fyrst vita ef þú fróðr sér eða alsviðr, jötunn. ✎

← Óðinn kvað: Seg ðu það ið eina, ef þitt æði dugir ok þú, Vafþrúðnir, vitir, hvaðan jörð um kom eða upphiminn fyrst, inn fróði jötunn. ✎

← Óðinn kvað: Seg ðu það annað ef þitt æði dugir ok þú, Vafþrúðnir, vitir, hvaðan máni um kom, svá að ferr menn yfir, eða sól ið sama. ✎

← Óðinn kvað: Seg ðu það ið þriðja, allz þik svinnan kveða ok þú, Vafþrúðnir, vitir, hvaðan dagr um kom, sá er ferr drótt yfir, eða nótt með niðum. ✎

← Seg ðu það ið tíunda, allz þú tíva rök öll, Vafþrúðnir, vitir, hvaðan Njörðr um kom með ása sonum, hofum ok hörgum hann ræðr hundmörgum ok varð at hann ásum alinn. ✎

← Seg þú það ið tólfta, hví þú tíva rök öll, Vafþrúðnir, vitir; frá jötna rúnum ok allra goða segir þú ið sannasta, inn alsvinni jötunn. ✎

Frequency index

Alphabetical index