Skm.28-30 | |
| v.Skm.28 | |
| Að undrsjónum þú verðir | At vndrsionom þv verþir, |
| er þú út kjömr; | er þv vt kǫmr, |
| á þik Hrímnir hari, | a þic Hrimnir hari, |
| á þik hotvetna stari; | a þic hotvętna stari; |
| víðkunnari þú verðir | víðkvnnari þv verþir, |
| en vörðr með goðum, | enn vorþr meþ goðom; |
| gapi þú grindum frá. ✎ | gapi þv grindom fra. |
| v.Skm.29 | |
| Tópi ok ópi | Tópi oc ópi, |
| tjösull ok óþoli, | tiꜹsvll oc oþoli, |
| vaxi þér tár með trega! | vaxi þer tár meþ trega; |
| Seztu niðr | seztv niþr, |
| en ek mun segja þér | enn ec mvn segia þer |
| sváran súsbreka | svaran svsbreca |
| ok tvennan trega: ✎ | oc tvennan trega. |
| v.Skm.30 | |
| Tramar gneypa | Tramar gneypa |
| þik skulu gerstan dag | þic scolo gerstan dag |
| jötna görðum í; | iotna gꜹrþom i; |
| til hrímþursa hallar | til hrimþvrsa hallar |
| þú skalt hverjan dag | þv scalt hverian dag |
| kranga kostalaus, | kranga kostalꜹ́s, |
| kranga kostavön; | kranga kostavon; |
| grát að gamni | grát at gamni |
| skaltu í gögn hafa | scaltv i gogn hafa |
| ok leiða með tárum trega. ✎ | oc leiða meþ tarom trega. |