15. KAFLI 🔊
Sjötti hnötturinn var tíu sinnum stærri. 🔊 Á honum bjó gamall herramaður sem skrifaði gríðarstórar bækur. 🔊
- Sko! 🔊 Þarna er landkönnuður! 🔊 hrópaði hann þegar hann sá litla prinsinn. 🔊
Litli prinsinn tyllti sér á borðið og blés dálítið. 🔊 Hann hafði þegar ferðast svo mikið. 🔊
- Hvaðan kemur þú? 🔊 spurði herrann. 🔊
- Hvaða þykka bók er þetta? 🔊 sagði litli prinsinn. 🔊 Hvað eruð þér að gera? 🔊
- Ég er landfræðingur, sagði gamli herrann. 🔊
- Hvað er landfræðingur? 🔊
- Það er vísindamaður sem veit hvar höfin, árnar, borgirnar, fjöllin og eyðimerkurnar eru. 🔊
- Þetta er mjög fróðlegt, sagði litli prinsinn. 🔊 Þetta er loksins raunverulegt starf! 🔊
Og hann renndi augunum í kringum sig, yfir hnött landfræðingsins. 🔊 Hann hafði aldrei áður séð svo tignarlegan hnött. 🔊
- Hann er fallegur, hnötturinn yðar. 🔊 Eru úthöf? 🔊
- Það get ég ekki vitað, sagði landfræðingurinn. 🔊
- Á! 🔊 (Litli prinsinn varð fyrir vonbrigðum.) 🔊 Og fjöll? 🔊
- Það get ég ekki vitað, sagði landfræðingurinn. 🔊
- En þér eruð landfræðingur! 🔊
- Það er rétt, sagði landfræðingurinn, en ég er ekki landkönnuður. 🔊 Mig vantar alveg landkönnuði. 🔊 Það er ekki landfræðingurinn sem fer og telur borgirnar, árnar, fjöllin, höfin, úthöfin og eyðimerkurnar. 🔊 Landfræðingurinn er of merkilegur maður til þess að flækjast um. 🔊 Hann víkur ekki af skrifstofunni. 🔊 En hann tekur á móti landkönnuðunum. 🔊
Hann spyr þá og skráir frásagnir þeirra. 🔊 Og ef frásagnir einhvers virðast fróðlegar lætur landfræðingurinn kanna siðferði landkönnuðarmannsins. 🔊
- Af því að landkönnuður sem sagði ósatt mundi valda vandræðum í landfræðisbókum. 🔊
Og líka landkönnuður sem drykki of mikið. 🔊
- Hvernig þá? 🔊 sagði litli prinsinn. 🔊
- Af því að drykkjumenn sjá tvöfalt. 🔊 Þá mundi landfrædingurinn skrá tvö fjöll þar sem aðeins væri eitt. 🔊
- Ég veit um mann, sagði litli prinsinn, sem mundi vera lélegur landkönnuður. 🔊
- Það getur vel verið. 🔊 En þegar siðferði landkönnuðarins sýnist gott er uppgötvun hans rannsökuð. 🔊
- Nei, það er of umsvifamikið. 🔊 En þess er krafist af landkönnuði að hann leggi fram sannanir. 🔊 Ef til dæmis er um að ræða stórt fjall sem hann hefir fundið er heimtað að hann komi með stóra steina. 🔊
Landfræðingurinn tók skyndilega viðbragð. 🔊
- En þú, þú ert langt að kominn! 🔊 Þú ert landkönnuður! 🔊 Þú lýsir fyrir mér hnettinum þínum. 🔊
Og landfræðingurinn fletti stundar skrám sínum og tálgaði blýant sinn. 🔊 Frásagnir landkönnuða eru fyrst skráðar með blýanti. 🔊 Það er látið bíða að skrifa með bleki þangað til sannanir hafa verið lagað fram. 🔊
- Jæja? 🔊 sagði landfræðingurinn. 🔊
- Ó, hjá mér er ekkert sérstaklega merkilegt, sagði litli prinsinn. 🔊
Það er allt ósköp lítið. 🔊 Ég hefi þrjú eldfjöll, tvö með eldi og eitt kulnað. 🔊 En maður veit aldrei. 🔊
- Maður veit aldrei, sagði landfræðingurinn. 🔊
- Við skráum ekki blóm, sagði landfræðingurinn. 🔊
- Hvers vegna ekki? 🔊 Það er það fallegasta! 🔊
- Af því að blóm eru skammær. 🔊
- Landfræðisbækur, sagði landfræðingurinn, eru dýrmætastar allra bóka. 🔊 Þær ganga aldrei úr sér. 🔊 Það er mjög sjaldgæft að úthaf þorni. 🔊 Við skrifum um það sem er eilíft. 🔊
- En kulnað eldfjöll geta vöknuð aftur, skaut litli prinsinn inn. 🔊 Hvað táknar "skammær"? 🔊
- Hvort eldfjöllin eru heldur kulnað eða virk, það gildir einu fyrir okkur landfræðinga. 🔊 Það er fjallið sem skiptir máli. 🔊 Það breytist ekki. 🔊
- En hvað táknar "skammær" endurtók litli prinsinn sem aldrei á ævinni hafði hætt við spurningu sem hann hafði einu sinni borið fram. 🔊
- Það táknar "sem er brátt að hverfa". 🔊
- Mun blómið mitt þá brátt hverfa? 🔊
- Vitanlega. 🔊
- Blómið mitt er skammætt, hugsaði litli prinsinn, og það hefir aðeins fjóra þyrna til þess að verja sig fyrir heiminum! 🔊 Og ég hefi skilið það einsamalt heima! 🔊 Þetta var fyrsta sinn sem hann sá eftir því sem hann hafði gert. 🔊 En hann herti upp hugann:
- Hvaða stað ráð leggið þér mér að heimsækja næst? 🔊 spurði hann. 🔊
- Hnöttinn Jörð, svaraði landfræðingurinn. 🔊 Hann hefir á sér gott orð ..
Og litli prinsinn hvarf á braut og hugsaði um blómið sitt. 🔊