Skm.16-28 | |
| Gerðr kvað: | Gerðr qvaþ: |
| v.Skm.16 | |
| Inn bið þú hann ganga | „Inn biþþv hann ganga |
| í okkarn sal | i occarn sal |
| ok drekka inn mæra mjöð; | oc drecca inn męra mioþ! |
| þó ek hitt óumk | þo ec hitt óvmc, |
| að hér úti sé | at her vti se |
| minn bróðurbani. ✎ | minn broðvrbani. |
| v.Skm.17 | |
| Hvað er það álfa | Hvat er þat alfa |
| né ása sona | ne asa sona |
| né víssa vana? | ne víssa vana? |
| Hví þú einn um komt | hvi þv einn vm komt |
| eikinn fúr yfir | ęikinn fv́r yfir |
| ór salkynni að sjá? ✎ | ór salkynni at sia?“ |
| Skírnir kvað: | Scirnir qvaþ: |
| v.Skm.18 | |
| Emkat ek álfa | „Emkat ec alfa |
| né ása sona | ne ása sona |
| né víssa vana; | ne víssa vana; |
| þó ek einn um komk | þo ec einn vm komc |
| eikinn fúr yfir | eikinn fv́r yfir |
| yður salkynni að sjá. ✎ | ydor salkynni at siá. |