| |
Skm.10-12 | |
| |
| |
| Skírnir mælti við hestinn: | Scirnir męlti viþ hestinn: |
| |
| v.Skm.10 | |
| Myrkt er úti, | „Myrct er v́ti, |
| mál kveð ek okkr fara | mal qveþ ec ocr fara |
| úrig fjöll yfir, | vrig fioll yfir, |
| þyrja þjóð yfir; | þvrsa þioþ yfir; |
| báðir við komumk | baþir viþ comvmc, |
| eða okkr báða tekr | eþa ocr bada tecr |
| sá inn ámáttki jötunn. ✎ | sa inn amatki iotvnn.“ |
| |
| |
| Skírnir reið í jötunheima | Scirnir reíþ i iotvnheima |
| til Gymis garða. Þar vóru hundar | til Gymiss garða. Þar varo hvndar |
| ólmir ok bundnir fyr skíðgarðs | ólmir oc bvndnir fyr sciþgards |
| hliði, þess er um sal Gerðar var. | hlidi, þess er vm sal Gerðar var. |
| Hann reið að þar er féhirðir sat | Hann reiþ at þar er fehirþir sat |
| á haugi ok kvaddi hann: ✎ | a hꜹgi oc qvaddi hann: |
| |
| |
| v.Skm.11 | |
| Segðu það, hirðir, | „Segðv þat, hirþir! |
| er þú á haugi sitr | er þv a hꜹgi sitr |
| ok varðar alla vega, | oc vardar alla vega: |
| hvé ek að andspilli | hve ec at andspilli komvmc |
| komumk ins unga mans | ens vnga mans |
| fyr greyjum Gymis. ✎ | fyr greyiom Gymis?“ |
| |
| |
| Hirðir kvað: | Hirþir qvaþ: |
| |
| v.Skm.12 | |
| Hvárt ertu feigr | „Hvart ertv feigr |
| eða ertu framgenginn? | eþa ertv framgenginn |
| Andspillis vanr | andspillis vanr |
| þú skalt æ vera | þv scalt ę vera |
| góðrar meyjar Gymis. ✎ | godrar meyiar Gymiss.“ |
| |
| |
| |