| |
Skm.40-42 | |
| |
| Þá reið Skírnir heim. Freyr stóð | Þa reiþ Scirnir heim; Freyr stoð |
| úti ok kvaddi hann ok spurði tíðinda: | v́ti oc qvaddi hann oc spvrþi tiþinda: |
| |
| v.Skm.40 | |
| Seg þú mér það, Skírnir, | „Segþv mer þat, Scirnir! |
| áðr þú verpir söðli af mar | aþr þv verpir sꜹdli af mar |
| ok þú stígir feti framarr | oc þv stígir feti framarr: |
| hvað þú árnaðir | hvat þv arnaþir |
| í jötunheima | i iotvnheima |
| þíns eða míns munar. ✎ | þins eþa mins mvnar?“ |
| |
| |
| |
| v.Skm.41 | |
| Barri heitir lundr, | „Barri heitir, |
| er við báðir vitum, | er viþ báðir vitom, |
| lundr lognfara | lvndr lognfara; |
| en eft nætr níu | enn ept nętr nío |
| þar mun Njarðar syni | þar mvn Niarþar syni |
| Gerðr unna gamans. ✎ | Gerþr vnna gamans.“ |
| |
| |
| |
| v.Skm.42 | |
| Löng er nótt, | „Lꜹng er nott, |
| langar ru tvær, | langar ’ro tvęr, |
| hvé um þreyjak þrjár? | hve vm þreyiac þriár? |
| Oft mér mánaðr | opt mer manaþr |
| minni þótti | minni þotti, |
| en sjá hálf hýnótt. ✎ | enn sia half hynótt.“ |
| |
| |
| |