| |
Skm.1-3 | |
| |
| |
| |
| Freyr, sonr Njarðar, hafði setzk | Freyr sonr Niarþar hafði einn dag setzc |
| í Hliðskjálf ok sá um heima | i Hliþscialf oc sa vm heima |
| alla. Hann sá í jötunheima | alla; hann sa i iotvnheima |
| ok sá þar mey fagra þá er hon gekk | oc sa þar mey fagra, þa er hon gecc |
| frá skála föður síns til skemmu. | fra scala fꜹðvr sins til scemmo; |
| Þar af fekk hann hugsóttir miklar. | þar af fecc hann hvgsottir miclar. |
| Skírnir hét skósveinn Freys. | Scírnir het scósveinn Freys; |
| Njörðr bað hann kveðja Frey máls. | Niorþr baþ hann qveþia Frey mals. |
| Þá mælti Skaði: ✎ | Þa męlti Scaði: |
| |
| |
| v.Skm.1 | |
| Rístu nú, Skírnir, | „Ristv nv, Scirnir! |
| ok gakk að beiða | oc gacc [sciótt] at beida |
| okkarn mála mög | occarn mala mavg, |
| ok þess að fregna | oc þess at fregna, |
| hveim inn fróði sé | hveim enn froþi se |
| ofreiði afi. ✎ | ofręiþi afi.“ |
| |
| |
| Skírnir kvað: | Scirnir qvaþ: |
| |
| v.Skm.2 | |
| Illra orða | „Illra orþa |
| er mér ón að ykkrum syni | er mer ón at ykrom syni, |
| ef ek geng að mæla við mög | ef ec geng at męla viþ mꜹg, |
| ok þess að fregna | oc þess at fregna, |
| hveim inn fróði sé | hveim enn froþi se |
| ofreiði afi ✎ | ofręiþi afi.“ |
| |
| |
| Skírnir kvað: | Scirnir qvaþ: |
| |
| v.Skm.3 | |
| Segðu það, Freyr, | „Segðv mer þat, Freyr, |
| fólkvaldi goða, | folcvaldi goða! |
| ok ek vilja vita, | oc ec vilia vita: |
| hví þú einn sitr | hvi þv einn sitr |
| ennlanga sali, | endlanga sali, |
| minn dróttinn, um daga. ✎ | minn drottinn! vm daga?“ |
| |
| |
| |